Bara bull

Ég verð líklega að fara að skrifa eitthvað að viti hérna svo fólk nenni að lesa bullið í mér. Annars hefur verið einhver tregða í sköpunarandanum og þar sem ekkert annað er í fréttum þessa dagana en kosningar og stjórnarmyndannir er erfitt að finna innblástur þaðan.

Ég er í augnablikinu í vinnunni og leiðist með eindæmum, get ekki munað eftir neinu til þess að skrifa um eða fundið neitt áhugavert á netinu. Ég get reyndar ekki beðið eftir helginni, ætla mér að taka mér frí á mánudaginn, setja dótturina í leikskólann og skella mér í nudd og leirbað. Þetta er í fyrsta skipti sem ég prófa svona herlegheit þannig að ég er þokkalega spenntur. Ég er að vonast til þess að þetta gefi mér næga orku til þess að komast í gegnum næstu vikurnar því svo kemur sumarfríið í enda júní .

Vonandi kemur andinn yfir mig fljótlega svo ég get bullað meira.