Virkar vel

Mig langaði að benda þjóðinni á að reykingarbann þetta á eftir að hafa mjög jákvæð áhrif. Ég hef búið á Írlandi síðustu fimm ár þannig að ég kinntist kráarmenninguinn nokkuð vel bæði fyir og eftir reykingarbannið og verð ég að segja að þetta fyrirkomulag er frábært og er reykingarfólk jafnt sem þeir sem ekki reykja allmennt sammála um að banna reykingar hafi verið rétt ákvörðun.

Starfsmenn írskra kráa heilsuhraustari vegna reykingabanns

Athugasemdir

[Geiri (IP-tala skráð) 18.4.2007 kl. 02:03]

Óréttlætanlegt ofbeldi gagnvart eigendum kráa, sjálfsagt að eigendur fái að setja reglur á eigin stöðum. Enginn er þvingaður til þess að fara á slíka staði eða vinna þar. Þeir sem meta heilsu sína meira en að vera á slíkum stað hafa frelsi til þess að fara annað. Ég hélt að við værum frjálslynd þjóð en greinilega ekki. Forsjárhyggjan á fullum krafti og á bara eftir að fara versnandi. Fyrir áratugi síðan hefði enginn trúað því að ljósmyndir yrðu þvingaðar á sígarettupakka eða reykingar bannaðar algjörlega á almannastöðum. Alveg eins getum við örugglega ekki ímyndað okkur hversu langt forsjárhyggjan mun ná eftir 10 ár. Hvenær verða textar og ljósmyndir þvinguð á á matvörur? Hvenær verður MCdonalds bannað?

Ef það er hægt að afsaka allar frelsisskerðingar af hálfu yfirvalda með því að það auki öryggi eða heilsu þá er alveg hægt að ganga svo langt koma á lögreglurík þar sem góðsfúslegt leyfi þarf frá yfirvöldum til þess að leysa vind. Nei takk ég vil frekar taka sénsinn og lifa sem frjáls maður! Jafnvel þó það kosti mig nokkur ár af ævinni.

[Skafti Elíasson, 24.4.2007 kl. 22:14]

Það eru rök þarna bæði með og á móti.  Mér persónulega finnst þetta vera frábært ég bý nú td. í bæ þar sem er bara einn staður sem boðið er upp á diskótek og ekkert val þá finnst mér það frábært að það sé hægt að fara þangað án þess að þurfa að anda þessum óþverra að mér.